DÜNYA


“SpaceX” 2024-cü ildə Yupiteri tədqiq edəcək aparatı kosmosa çıxaracaq

Bakı, 24 iyul, AZƏRTAC

ABŞ-ın Aeronavtika və Kosmik Fəzanın Tədqiqatı üzrə Milli İdarəsi (NASA) Yupiterin səthini müxtəlif hündürlükdən tədqiq edəcək “Europa Clipper” zondunu orbitinə çıxarmağı “SpaceX” kompaniyasına etibar edib.

AZƏRTAC xarici KİV-lərə istinadla xəbər verir ki, qurumun mətbuat xidməti kosmik aparatın “Falcon Heavy” daşıyıcı raketi vasitəsilə kosmosa çıxarılacağı barədə məlumat yayıb.

“Europa Clipper” missiyası 2024-cü ilin oktyabrında “Falcon Heavy” daşıyıcı raketi vasitəsilə Florida ştatında yerləşən Con Kennedi adına Kosmik Mərkəzdən fəzaya buraxılacaq. Müqavilənin ümumi dəyəri 178 milyon dollara yaxındır”, - deyə məlumatda bildirilir.

“Europa Clipper” tədqiqat zondu Günəş sisteminin ən böyük planetinin səthinin həyat üçün yararlığının yoxlanılması üçün ən müasir alətlər dəsti ilə təchiz olunacaq. Missiya zamanı NASA mütəxəssisləri yüksək dəqiqlikli fotoşəkillər çəkməyi, astronomik cismin kimyəvi tərkibini müəyyənləşdirməyi, geoloji aktivliyini öyrənməyi və buz örtüyünün qalınlığını ölçməyi planlaşdırırlar.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.