DÜNYA


Şri-Lankada yanacaq qurtarıb

Bakı, 19 may, AZƏRTAC

Şri-Lanka hakimiyyətinin ölkəyə yanacaq məhsullarının gətirilməsi üçün vəsaiti tükənib.

AZƏRTAC Reuters agentliyinə istinadla xəbər verir ki, bu barədə Şri-Lankanın energetika naziri Kançana Viesekera ölkə parlamentində çıxışında deyib. Onun sözlərinə görə, ölkədəki az miqdarda yanacaq ehtiyatı yalnız təcili xidmətlər üçün açıqdır.

Baş nazir hələ aprel ayının 28-dən Kolombo limanına yanacaq gətirildiyini, lakin onun pulunu ödəmək üçün hökumətin vəsaitinin olmadığını bildirib. O, əhalini növbələrdə durmamağa çağırıb və yaxın bir neçə gündə yanacaq olmayacağını deyib.

Qeyd edək ki, Şri-Lanka 1948-ci ildə müstəqillik əldə etdikdən bəri ən böyük iqtisadi böhran yaşayır. Koronavirus pandemiyasının turizm sektoruna vurduğu zərbə böhranın daha da dərinləşməsinə səbəb olub ki, bu da valyuta ehtiyatlarının tükənməsi ilə nəticələnib. Ölkənin hakimiyyət orqanları resurslara ciddi qənaət etməyə və idxalı azaltmağa məcbur olub. Eyni zamanda, 51 milyard dollara çatan dövlət borcu iqtisadi böhranla mübarizəni daha da çətinləşdirir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.