İQTİSADİYYAT


Şri-Lankanın turizm sənayesinin əsas iştirakçıları Azərbaycanın turizm potensialını öyrənir

Bakı, 4 oktyabr, AZƏRTAC

Milli Turizm Təbliğat Bürosunun iştirakı, “Paşa Travel”in tərəfdaşlığı və Azərbaycan Respublikasının Hindistandakı səfirliyinin dəstəyi ilə Şri-Lankanın turizm sənayesinin əsas iştirakçıları ilə görüş təşkil olunub.

Dövlət Turizm Agentliyindən AZƏRTAC-a bildirilib ki, görüşdə bu il Azərbaycanda keçirilmiş Şri-Lanka Səyahət Agentlikləri Assosiasiyasının 43-cü illik və İATA-nın (Beynəlxalq Hava Yolları Assosiasiyası) Şri-Lanka üzrə Agentliklər Assosiasiyasının 30-cu illik toplantısında səsləndirilmiş fikirlər müzakirə edilib. Bildirilib ki, hər il dünyanın müxtəlif şəhərlərində təşkil olunan görüşlər üçün builki toplantı yeri Bakı şəhəri seçilib.

Diqqətə çatdırılıb ki, tədbirdə Azərbaycanın turizm potensialı, turizmin əsas inkişaf istiqamətləri və mövcud əməkdaşlıq imkanları barəsində təqdimatlar həyata keçirilib, ikitərəfli müzakirələr aparılıb, Şri-Lankadan olan turizm assosiasiyaları, hava yolları şirkətləri, tur operatorlar və agentliklər Azərbaycanla gələcək əməkdaşlıq üçün maraqlı olduqlarını ifadə edərək Azərbaycanın Şri-Lanka turistləri üçün hədəf turizm məkanlarından biri olması barəsində məlumat veriblər.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.