“Standard Insurance” şirkətinin əmlaklarının satışı ilə bağlı hərrac keçiriləcək

Bakı, 28 aprel, AZƏRTAC

ASC “Standard Insurance” sığorta şirkətinin əmlaklarının satışı ilə bağlı növbəti hərrac keçiriləcək.

Şirkətin ləğvetmə komissiyasından AZƏRTAC-a bildirilib ki, ləğv prosesində olan “Standard Insurance” Sığorta Şirkətinin ləğvetmə komissiyası tərəfindən şirkətə məxsus rekonstruksiya işlərindən sonra birləşdirilmiş 4 mənzil satışa çıxarılacaq. Hərrac “Xəzəryanı ixtisaslaşdırılmış Hərrac Mərkəzi” MMC tərəfindən mayın 19-da saat 11:00-da Bakı şəhəri, Səbail rayonu Ə.Cavid küçəsi,ev 15 mən 1 ünvanda keçiriləcək. Hərraca çıxarılan predmetin satış qiyməti: 1 milyon 900 min manat, iştirak haqqının məbləği 500 manat, behin məbləği 19 min manatdır. Hərrac predmetinin ətraflı təsviri aşağıdakı cədvəldə öz əksini tapıb:

Sığorta Şirkətinin ləğvetmə komissiyasından bildirilir ki, mayın 19-da keçirilməsi nəzərdə tutulan hərrac satışı sayca ikincidir. Birinci hərrac satışı aprelin 23-də keçirilib, müvafiq sayda iştirakçı olmadığı üçün baş tutmamış hesab olunub. Bu səbəbdən hərrac qaydalarına uyğun olaraq satışa çıxarılan əmlakın qiymətində (2 milyon manat) 5 faiz endirim edilmiş qiymət 1 milyon 900 min manat olub.

Hərracla bağlı daha ətraflı məlumatları isə aşağıdakı linkdən əldə etmək mümkündür:

https://tap.az/elanlar/dasinmaz-emlak/obyektler-ve-ofisler/25336904

Şirkətin digər əmlaklarının qanunvericiliyə və təsdiq edilmiş hərrac qaydalarına əsasən açıq hərrac yolu ilə satışının təşkili davam edəcək və bu barədə ictimaiyyətə əvvəlcədən məlumat veriləcək.