DÜNYA


“Starbucks” Rusiya bazarından çıxır

Bakı, 24 may, AZƏRTAC

Amerikanın “Starbucks” qəhvəxana şəbəkəsi Rusiya bazarını həmişəlik tərk etmək qərarına gəlib.

AZƏRTAC TASS agentliyinə istinadla xəbər verir ki, kompaniyanın saytında yerləşdirilən məlumata görə, “Starbucks” Rusiyadakı əməkdaşlarına altıaylıq əməkhaqqı verəcək və yeni iş tapmaqda onlara yadım edəcək.

Qeyd edək ki, kompaniya martın 8-də Ukrayna ətrafında baş verən hadisələrlə bağlı Rusiya ərazisindəki bütün biznes fəaliyyətini, o cümlədən məhsulların tədarükünü müvəqqəti dayandırdığını elan edib. Rusiyada ilk obyektini 2007-ci ildə Moskvada açan kompaniyanın hazırda bu ölkədə 100-dən çox biznes obyekti var.

Xatırladaq ki, fevralın 24-də Rusiya Ukraynaya qarşı genişmiqyaslı müharibəyə başlayıb. Avropa İttifaqı, Kanada, ABŞ, Böyük Britaniya və dünyanın bir çox digər ölkələri buna cavab olaraq Rusiyaya qarşı indiyədək görünməmiş sanksiyalar tətbiq edib. Həmçinin dünyanın bir sıra məşhur kompaniyaları RF-də fəaliyyəti dayandırıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.