İDMAN


Stolüstü tennis üzrə Azərbaycan çempionatında komanda yarışları başa çatıb

Bakı, 28 yanvar, AZƏRTAC

Yanvarın 28-də “Şüa” idman-sağlamlıq kompleksində stolüstü tennis üzrə Azərbaycan çempionatı start götürüb. Azərbaycan Stolüstü Tennis Federasiyasından AZƏRTAC-a verilən məlumata görə, çempionatın ilk günü komanda yarışlarının qalibləri müəyyənləşib. Ümumi nəticələrə görə, qadınlar arasında birinci yeri “Bakı–I” komandası tutub. Sonrakı iki yerə “Sumqayıt” və “Bakı-II” komandaları layiq görülüb. Kişilərin komanda yarışlarının qalibi “Bakı-II” olub. İkinci və üçüncü yerlərdə isə “Bakı-I” və “Bakı-III” komandalarının stolüstü tennisçiləri qərarlaşıblar.

Ölkə çempionatında Bakı (5 komanda), Sumqayıt (3 komanda), Şirvan, Salyan, Masallı, Şəki komandaları mübarizə aparırlar. Yarışlarda, ümumilikdə 80-ə yaxın idmançı gücünü sınayır. Yarış şəxsi-komanda xarakteri daşıyır. Çempionata yanvarın 31-də yekun vurulacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.