REGİONLAR


Stolüstü tennis üzrə muxtar respublika birinciliyinin qalibləri mükafatlandırılıb

Naxçıvan, 9 iyul, AZƏRTAC

Naxçıvan Əlillərin Bərpa Mərkəzində 18 yaşadək sağlamlıq imkanları məhdud uşaqlar arasında keçirilən stolüstü tennis üzrə muxtar respublika birinciliyinin qalibləri müəyyənləşib.

AZƏRTAC-ın Naxçıvan bürosu xəbər verir ki, Naxçıvan Muxtar Respublikası Gənclər və İdman Nazirliyi və Paralimpiya Federasiyasının birgə təşkilatçılığı ilə keçirilən birincilikdə, ümumilikdə 11 sağlamlıq imkanları məhdud uşaq mübarizə aparıb. Birinciliyin keçirilməsində məqsəd bu kateqoriyadan olan uşaqlar arasında bədən tərbiyəsi və idmanın kütləviliyinin təmin edilməsi, asudə vaxtlarının səmərəli keçirilməsi, o cümlədən stolüstü tennis idman növünün inkişaf etdirilməsidir.

Yarışın yekun nəticəsinə əsasən, Allahverən Səfərov qalib adını qazanıb. Rəfail Yusifov ikinci, Əkrəm Kərimli isə üçüncü olub.

Qaliblərə diplom və hədiyyələr, digər iştirakçılara fəxri fərmanlar təqdim olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.