İQTİSADİYYAT


Strateji Yol xəritələri üzrə işçi qrupların müzakirələri keçirilib

Bakı, 6 dekabr, AZƏRTAC

Azərbaycan Respublikası Prezident Administrasiyasının və İqtisadi İslahatların Təhlili və Kommunikasiya Mərkəzinin nümayəndələrinin Strateji Yol xəritələri üzrə yaradılan işçi qruplarının hər biri ilə ayrı-ayrılıqda müzakirələri keçirilib.

Mərkəzin mətbuat xidmətindən AZƏRTAC-a bildiriblər ki, birgə görüşlərdə Strateji Yol xəritələrinin icra vəziyyətinin nəticələri, koordinasiya məsələləri və qarşıya çıxan çağırışların həlli yolları ətraflı müzakirə edilib. 40-dan artıq dövlət qurumunun rəhbər şəxslərinin iştirakı ilə 12 Strateji Yol Xəritəsi üzrə aparılan müzakirələrdə tədbirlər planlarının vahid formatda tərtibi, icrası və kommunikasiya edilməsi ilə bağlı məsələlər də əhatə olunub.

Diqqətə çatdırılıb ki, Prezident İlham Əliyevin rəhbərliyi ilə Strateji Yol xəritələrinin uğurlu icrası təmin edilib, ölkədə makroiqtisadi sabitlik və dayanıqlı inkişaf, habelə biznes mühitinin əlverişliliyinin daha da artırılması istiqamətində nailiyyətlər əldə olunub. Aparılan kompleks iqtisadi islahatlar nəticəsində Azərbaycan hazırda "Doing Business" hesabatına görə dünyada ən islahatçı ölkə kimi səciyyələndirilir.

Müzakirələrdə icra ilə bağlı yaranan suallar aidiyyəti üzrə cavablandırılıb və Strateji Yol xəritələrində nəzərdə tutulmuş tədbirlərin icrasının sürətləndirilməsi üçün müəyyən tövsiyələr verilib.

Qeyd edək ki, "Milli iqtisadiyyat və iqtisadiyyatın əsas sektorları üzrə Strateji Yol xəritələrinin təsdiq edilməsi haqqında" Azərbaycan Respublikası Prezidentinin 2016-cı il 6 dekabr tarixli Fərmanına uyğun olaraq Strateji Yol xəritələrində nəzərdə tutulmuş fəaliyyətlərlə bağlı monitorinq, qiymətləndirmə və kommunikasiya tədbirlərini İqtisadi İslahatların Təhlili və Kommunikasiya Mərkəzi həyata keçirir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.