CƏMİYYƏT


Stresslə mübarizədə vanilin beyinə təsir edən xoş ətri

Bakı, 14 sentyabr, AZƏRTAC

Vanil adı çəkiləndə ilk növbədə şirniyyatların özünəməxsus dadı və qoxusu yada düşür. Lakin onun tətbiq və istifadə sahələri kifayət qədər genişdir. Vanildan toz, şəkər, yağ və ekstraktlar hazırlanır.

AZƏRTAC xəbər verir ki, XVI-XVII əsrlərdə vanili qızıldan da baha qiymətə satılıb. Vətəni Meksika sayılan vanil faydalı əhəmiyyətinə görə sonralar digər ölkələrdə də becərilib.

Vanil güclü afrodiziakdır, o cinsi həvəsi və fəallığı artırır. Hətta 600 arvadı olan atsek hökmdarı Montesumanın ən sevimli içkisi məhz vanildən hazırlanıb.

Xalq təbabətində ondan həzm sistemi, tənəffüs yolları, mədə-bağırsaq xəstəlikləri, sinir sistemi və maddələr mübadiləsi pozğunluğunun müalicəsində geniş istifadə edilir. Bununla yanaşı vanil yuxusuzluq, immunitetin zəifləməsi, yüksək qan təzyiqi, piylənmə halları, soyuqdəymə zamanı da çox faydalıdır.

Vanil stresslə mübarizədə ən səmərəli vasitələrdən biridir. Onun qoxusu beyinə müsbət təsir göstərərək xoşbəxtlik hormonu adlandırılan serotoninin istehsalını stimullaşdıraraq ruh yüksəkliyi və xoş əhvala səbəb olur.

Qadınlarda menustrasiya zamanı vanil səhhəti yaxşılaşdırır.

Bu bitki onkoloji xəstəliklərin profilaktikası üçün də ən təsirli vasitələrdən biridir. Elmi təcrübələr sübut edib ki, vanil xüsusilə də süd vəzi xərçəngi zamanı bədxassəli hüceyrələri məhv edir.

Vanil həzm prosesini yaxşılaşdırır, mədə şirəsinin turşluq dərəcəsini aşağı salır və karbohidratların tez parçalanmasına səbəb olur. Onun daha bir faydalı xüsusiyyəti spirtli içkilərin təsirini neytrallaşdırmaq və alkoqollu içkilərə qarşı meylliliyi azaltmaqdan ibarətdir.

Vanildən hazırlanan yağ kosmetologiyada geniş istifadə olunur. Ondan alınan yağ dərini nəmləndirərək təravətli saxlayır, erkən qırışların yaranmasına mane olur, kənar təsirlərdən qoruyur. Bunun üçün istifadə olunan şampuna, yaxud duş gelinə bir neçə damcı vanil yağını əlavə etmək kifayətdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.