İDMAN


Su polosu üzrə dünya çempionatında iştirak edəcək Azərbaycan millisinin heyəti müəyyənləşib

Bakı, 28 iyun, AZƏRTAC

Bakı Şəhər Gənclər və İdman Baş İdarəsi (BŞGİBİ) və Azərbaycan Üzgüçülük Federasiyasının birgə təşkilatçılığı ilə su polosu üzrə paytaxt çempionatı keçirilib.

BŞGİBİ-dən AZƏRTAC-a bildiriblər ki, yarışda 6 komanda mübarizə aparıb.

Su polosu idman növü üzrə milli komandanın baş məşqçisi Azər Babayev açıqlamasında bildirib ki, yarışın keçirilməsində məqsəd 2006-2007-ci il təvəllüdlü idmançılardan ibarət yığmamızın avqustda dünya çempionatına qatılacaq heyətin müəyyənləşdirilməsidir.

“Turnir çox maraqlı və gərgin keçdi. Yarışda Su İdman Sarayının iki komandası, MOİK, Gənclər və İdman Nazirliyinin Olimpiya Ehtiyatları Məktəbinin komandaları mübarizə apardı. Paytaxt çempionatından əvvəl keçirilən turnirdə məşqçilər heyəti Yunanıstanda keçiriləcək su polosu üzrə dünya çempionatına yollanacaq heyəti müəyyən etmək üçün idmançıları nəzərdən keçirdi. Artıq heyət demək olar ki, formalaşdırılıb”.

Turnirin sonunda idmançılar medal və diplomlarla təltif olunublar.

 

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.