DÜNYA


Sudanda komendant saatı ləğv olundu

Bakı, 13 aprel, AZƏRTAC 

Sudanda komendant saatı ləğv olunub.

AZƏRTAC xəbər verir ki, bu barədə hərbi keçid şurasının rəhbəri Əbdülfəttah əl-Burhan dövlət televiziyasında canlı yayım zamanı məlumat verib. Bütün vilayətlərdə valilərin vəzifəsinə son qoyulduğunu bildirən Burhan, ölkədə keçid dövrünün iki ilədək sürəcəyini qeyd edib. Vəziyyət nəzərəçarpan dərəcədə düzəldikdən sonra isə hakimiyyət xalqın qurduğu mülki hökumətə təhvil veriləcək. Günahsız insanları qətlə yetirən və vəziyyətdən sui-istifadə edən hər kəsin cəzalandırılacağını bildirən Burhan ölkədə həyatın normal vəziyyətə salınması üçün xalqdan dəstək gözlədiklərini də dilə gətirib.

Qeyd edək ki, 2011-ci ildə qüvvəyə minən Amerika sanksiyalarından və Cənubi Sudanın ayrılmasından sonra ölkədə iqtisadi böhran hökm sürür. Bir neçə aydır ki, davam edən etirazlar və toqquşmalar nəticəsində onlarla insan həlak olub, yüzlərlə yaralanıb, bir neçə min nəfər isə həbs olunub. Aprelin 11-də Sudan ordusu təcili iclas keçirərək Prezident Ömər əl-Bəşir və onun köməkçilərini bütün vəzifələrdən kənarlaşdırmaq və hökuməti istefaya göndərmək barədə qərar qəbul edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.