DÜNYA


Sudanın sabiq prezidenti Ömər əl-Bəşir Kuber həbsxanasına keçirilib

Bakı, 17 aprel, AZƏRTAC

Aprelin 16-da axşam saatlarında Sudanın devrilmiş prezidenti Ömər əl-Bəşir Şimali Xartumda yerləşən Kuber həbsxanasına keçirilib.

AZƏRTAC bu barədə Reuters informasiya agentliyinə istinadla xəbər verir.

Hakimiyyətdən kənarlaşdırıldıqdan sonra əl-Bəşir prezident iqamətgahında mühafizə altında saxlanılırdı. Sudan Akhbar portalının məlumatına əsasən, devrilmiş rejimin bir sıra yüksək vəzifəli şəxsləri də hazırda Kuber həbsxanasında saxlanılır.

Xatırladaq ki, aprelin 11-də Sudanda dövlət çevrilişi baş verib. Prezident Ömər əl-Bəşir, ölkənin sabiq müdafiə naziri Əbdurrəhim Hüseyn, hakim Milli Konqres partiyasının sədri Əhməd Harun, əl-Bəşirin sabiq müavini Əli Osman Tah, həmçinin Prezident Qvardiyasının üzvləri həbs olunub. Ölkə ərazisində 3 aylıq fövqəladə vəziyyət rejimi elan edilib.

2011-ci ildə qüvvəyə minən Amerika sanksiyalarından və Cənubi Sudanın ayrılmasından sonra ölkədə dərin iqtisadi böhran hökm sürür. 2018-ci il dekabrın ortalarından başlayan və çörəyin qiymətinin ucuzlaşması tələbi ilə keçirilən xalq etirazlarında sonradan 30 il ölkəyə rəhbərlik edən Ömər əl-Bəşirin siyasi rejiminin dəyişdirilməsi tələbi irəli sürülüb. Bir neçə ay davam edən etirazlar və toqquşmalar nəticəsində 60-a yaxın insan həlak olub, yüzlərlə insan yaralanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.