MƏDƏNİYYƏT


Suğranın solmayan çiçəkləri

Bakı, 28 avqust (AZƏRTAC). Avqustun 28-də Azərbaycan Rəssamlar İttifaqının Vəcihə Səmədova adına sərgi salonunda tanınmış florist, Əməkdar Artist Suğra Bağırzadənin “Floristika” mövzusunda fərdi-yaradıcılıq sərgisi açılıb.

AZƏRTAC xəbər verir ki, sərgi Mədəniyyət və Turizm Nazirliyi, Azərbaycan Rəssamlar İttifaqı və “Floristika” İncəsənətə Dəstək İctimai Birliyinin birgə təşkilatçılığı ilə keçirilib.

Tədbirdə mədəniyyət və turizm nazirinin müavini Ədalət Vəliyev, Azərbaycan Rəssamlar İttifaqının sədri, Xalq Rəssamı Fərhad Xəlilov, Milli Məclisin deputatı Qənirə Paşayeva, Xalq Şairi Fikrət Qoca və digər çıxış edənlər sərginin fərqli olduğunu, burada maraqlı əsərlərin nümayiş edildiyini söyləyiblər.

Bildirilib ki, Suğra Bağırzadə əsərlərində çiçəklərin dilini, fəlsəfəsini anlatmağa çalışır. O, solmuş çiçəklərə həyat verir, onlara əbədiyyət qazandırır.

Suğra Bağırzadənin yaratdığı “Floristika” İncəsənətə Dəstək İctimai Birliyinin fəaliyyətini yüksək qiymətləndirən natiqlər diqqətə çatdırıblar ki, o, ölkəmizdə floristika sənəti üzrə məktəb yaradan ilk insandır. S.Bağırzadə bununla da ölkəmizdə bu sahənin inkişafına və yayılmasına töhfə verir.

Floristika sənətinin vaxt və səbir tələb etdiyini vurğulayan natiqlər bildiriblər ki, sərgiyə gələnlər incəsənətdə yeni bir sahənin mükəmməl formada işlənmiş nümunələri ilə tanış olacaqlar.

Sonra tədbir iştirakçıları sərgiyə baxmışlar.

Üç gün davam edəcək sərgidə Suğra Bağırzadənin əsərləri ilə yanaşı, 12 tələbəsinin də işləri nümayiş olunur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.