DÜNYA


“Sülh çeşməsi” əməliyyatında indiyədək 18 dinc sakin həyatını itirib

İstanbul, 13 oktyabr, AZƏRTAC

Türkiyə Silahlı Qüvvələrinin qoşun birləşmələrinin Suriyada Fərat çayının şərqində apardığı “Sülh çeşməsi” (Barış Pınarı) antiterror əməliyyatı davam edir.

AZƏRTAC xəbər verir ki, hərəkatın başladığı gündən indiyədək terrorçular tərəfindən atılan raketlər nəticəsində 18 dinc sakin həlak olub, 100-dən artıq adam yaralanıb. Həyatını itirənlərin on biri Nusaybin, üçü Suruç, ikisi Akçakale, ikisi isə Ceylanpınar rayonlarının sakinidir. Ölənlər arasında uşaqlar da var.

Beş gün ərzində terrorçular tərəfindən Türkiyənin yaşayış ərazilərinə 300-dən artıq raket atılıb.

Son məlumatlara görə, Türkiyə Silahlı Qüvvələri Suriyanın Tel Abyad şəhərinin mərkəzinə daxil olub.

Antiterror əməliyyatı zamanı indiyədək 480 terrorçu zərərsizləşdirilib.

Əməliyyat davam edir.

Günel Məlikova

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.