Sülhməramlılara məxsus yanacaqdaşıyan avtomobillər aksiya ərazisindən sərbəst keçiblər VİDEO
AzerTAg.az
Şuşa, 27 yanvar, Tahir Ağaməmmədov, AZƏRTAC
Azərbaycanın Şuşa rayonunun ərazisindən keçən Laçın-Xankəndi yolunda təşkil olunan aksiyanın 78-ci günündə də Rusiya sülhməramlılarına məxsus avtomobillər ərazidən maneəsiz hərəkət edirlər.
AZƏRTAC-ın aksiya yerinə ezam olunmuş müxbiri xəbər verir ki, bu dəqiqələrdə sülhməramlılara məxsus dörd yanacaqdaşıyan avtomobilin Laçın istiqamətinə, 1 yük avtomobilinin isə Xankəndi istiqamətinə sərbəst hərəkətinə şərait yaradılıb.
Bu, bir daha onu göstərir ki, aksiya humanitar məqsədlərə xidmət edir.
Qeyd edək ki, Ermənistan mətbuatında yayılan və etirazçıların guya Laçın-Xankəndi yolunu bağladıqları və təminat avtomobillərini buraxmadıqları ilə bağlı xəbərlər qarşı tərəfin növbəti dezinformasiyasıdır.
Xəbərin mətnində orfoqrafik səhv var
