REGİONLAR


Sumqayıt Dövlət Dram Teatrının “Nizami Gəncəvi İli”nə daha bir töhfəsi VİDEO

Sumqayıt, 22 may, Ətrabə Rzayeva, AZƏRTAC

Sumqayıt Dövlət Dram Teatrının yaradıcı heyəti 2021-ci ilin dahi mütəfəkkir “Nizami Gəncəvi İli” elan olunması ilə əlaqədar "Nizami Gəncəvi-880” adı altında keçirilən tədbirlər çərçivəsində daha bir yeni layihə hazırlayıb.

Teatrdan AZƏRTAC–a bildirilib ki, mətn müəllifi və quruluşçu rejissor Əməkdar artist Namis Şirməmmədov mütəfəkkir şairin “İsgəndərnamə” poemasında önəmli yer alan, didaktik əhəmiyyət kəsb edən İsgəndərlə Nüşabənin hekayətini videoformatda təqdim edib.

Teatrın bir qrup yaradıcı və texniki heyətinin səyi nəticəsində ərsəyə gələn layihədə aktyorlar Sevda Hüseynova, Kamran Muradlı və Aynur Hümmətova maraqlı oyun nümayiş etdiriblər.

Layihə rəhbəri Əməkdar artist Mübariz Həmidov, quruluşçu rejissoru Əməkdar artist Namis Şirməmmədov, montajçı Fuad Kazımov, rəssam Arif Müzəffərov, işıq rəssamı Sənan Qədeşov, qrim ustası Mənsurə Səfərova, səhnə təchizatı Hüseynağa Novruzov və səs rejissoru Famil Ağalıdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.