ELM VƏ TƏHSİL


Sumqayıt Dövlət Universiteti ABŞ universiteti ilə təcrübə mübadiləsinə başlamışdır

Sumqayıt, 13 fevral (AZƏRTAC). Sumqayıt Dövlət Universiteti (SDU) ilə ABŞ-ın Yuta Ştatının Yuta Valli Universiteti arasında təcrübə mübadiləsinə başlanılmışdır.

Universitetin mətbuat xidmətindən AZƏRTAC-a bildirmişlər ki, rektor, professor Nadir Qəhrəmanovun təşəbbüsü ilə ABŞ-ın Yuta Ştatının Yuta Valli Universitetinin tədris işləri üzrə prorektoru, professor Loretta Palmer SDU-nun professor-müəllim heyətinə mühazirə və seminarlar keçmək üçün dəvət edilmişdir.

Təcrübə mübadiləsi ABŞ Dövlət Departamentinin “Fulbrayt” proqramı çərçivəsində reallaşmışdır. İki həftə ərzində davam edəcək təlim proqramında “Təhsilin qiymətləndirilməsi” mövzusunda silsilə xarakterli 6 mühazirə və seminar keçiriləcəkdir.

Təlimlərin ilk günündəki çıxışında professor Loretta Palmer bildirmişdir ki, mühazirə və seminarların məqsədi yeni təcrübələrin tətbiqinə yardım etmək, qarşılıqlı təcrübə mübadiləsini genişləndirməkdir.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.