İQTİSADİYYAT


Sumqayıt Kimya Sənaye Parkının rezidentləri üçün elektron ofis yaradılır

Bakı, 17 aprel, AZƏRTAC

Sumqayıt Kimya Sənaye Parkında (SKSP) rezident status əldə etmək istəyən investorlar üçün qeydiyyat proseduru sadələşdirilib. İnvestorların rahat qeydiyyatdan keçməsi, qeydiyyat ərizələrinin doldurulması, statistik hesabatların təqdim edilməsi, Vergilər Nazirliyi və Dövlət Gömrük Komitəsi ilə inteqrasiyanın təmin edilməsi üçün “vahid pəncərə” şəklində elektron portal yaradılır. Artıq portal üzərində ilkin sınaqlar həyata keçirilib.

Bu barədə AZƏRTAC-a İqtisadiyyat və Sənaye Nazirliyindən məlumat veriblər.

SKSP-nin rezidenti olmaq istəyən fiziki və hüquqi şəxslər elektron imza əldə etməklə qeydiyyatdan keçə biləcəklər. Portal eyni zamanda rezidentlər üçün elektron ofis (E-ofis) kimi xidmət göstərəcək.

Sistemə daxil olmaq üçün “Sumqayıt Kimya Sənaye Parkı” MMC-nin “www.scip.az” saytında xüsusi bölmə yaradılacaq və giriş təmin olunacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.