İDMAN


“Sumqayıt” futbol klubu “Çukarişki” ilə cavab oyununa çıxacaq

Sumqayıt, 29 iyul, AZƏRTAC

Premyer Liqanın bürünc mükafatçısı "Sumqayıt" futbol klubu bu gün doğma arenada Avropa Konfrans Liqasının II təsnifat mərhələsinin oyununu keçirəcək. “Gənclik şəhəri” təmsilçisi Serbiyanın “Çukariçki” komandası ilə üz-üzə gələcək. Belqraddakı görüşdə oyun qolsuz heç-heçə bitib. "Kapital Bank Arena"dakı qarşılaşma saat 20:00-da başlayacaq.

AZƏRTAC xəbər verir ki, matçı danimarkalı arbitr Yorgen Burxardt idarə edəcək.

“Sumqayıt”ın fanatları da oyuna ciddi hazırlaşır. Klubdan verilən məlumata görə, matç üçün satışa çıxarılan 550 bilet bir gün ərzində alınıb. Nazirlər Kabineti yanında Operativ Qərargahın qərarına uyğun olaraq, stadionun tamaşaçı tutumunun 50 faizinə azarkeş buraxıla bilər.

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.