İDMAN


“Sumqayıt” klubu doğma meydanında “Sabah”ı minimal hesabla məğlub edib

Bakı, 21 sentyabr, Nicat Məmmədov, AZƏRTAC

Sentyabrın 21-də futbol üzrə Azərbaycan Premyer Liqasının beşinci turuna start verilib.

AZƏRTAC xəbər verir ki, turun açılış matçında “Sumqayıt” klubu “Sabah” komandasını qəbul edib. Rəvan Həmzəzadənin idarə etdiyi görüş sumqayıtlıların 1:0 hesablı qələbəsi ilə başa çatıb. Oyunda yeganə qolun müəllifi 34-cü dəqiqəsində Sərdar Taşkın olub.

Bu qələbə sayəsində “Sumqayıt” klubu xal ehtiyatını 6-ya çatdıraraq turnir cədvəlində beşinci pilləyə yüksəlib. “Sabah” isə 2 xalla sonuncu – səkkizinci yerdədir.

Xatırladaq ki, günün ikinci matçı “Səbail” və “Qəbələ” komandaları arasında oynanılacaq. Saat 19:45-də start götürəcək görüş “ACCO Arena”da keçiriləcək. Matçın baş hakimi Əliyar Ağayev olacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.