REGİONLAR


Sumqayıt teatrı balacalar üçün yeni səhnə əsəri hazırlayıb

Sumqayıt, 15 fevral, Ətrabə Rzayeva, AZƏRTAC

Sumqayıt Dövlət Dram Teatrı (SDDT) 50-ci yubiley mövsümündə bir çox uğurlu layihələr gerçəkləşdirməklə bərabər, fərqli janrda, yeni, maarifləndirici, müxtəlif kontingenti əhatə edən tamaşaların repertuara əlavə olunmasına həssaslıqla yanaşır.

Sənət ocağının direktoru, Əməkdar artist Mübariz Həmidov AZƏRTAC–ın müxbirinə müsahibəsində deyib ki, cari mövsümdə daha çox axşam tamaşaları ilə şəhər sakinlərinin görüşünə gələn teatr, nəhayət azyaşlı tamaşaçıların maraqla izləyə biləcəyi, təhsil almanın vacibliyinin, valideynlərin övladlarına dəstək olaraq onları bu yöndə motivasiya etmələrinin asan, anlaşıqlı dillə və dialoqlarla vurğulandığı bir tamaşanı təhvil verib.

O, fevralın 15-də quruluşçu rejissoru Vasif Məmmədov olan “Danışan gəlincik” nağıl-tamaşaya baxış keçirildiyini qeyd edib.

Vurğulayıb ki, tərbiyəvi əhəmiyyət kəsb edən səhnə əsərində Əməkdar artist Növrəstə Həşimova, aktyorlar İlham Səfərli, Şəms Abdullayeva, Vəfa Qurbanova, İradə Zeynalova, Aynur Hümbətova, Firuzə Şərifova, Elmir Mehdiyev, Cavanşir Eyyubzadə və Şəmistan Süleymanlı çıxış edəcək.

M.Həmidov əlavə edib ki, tamaşanı izlədikdən sonra müzakirə keçirilib. O, yaxın günlərdə tamaşanın premyerasının nəzərdə tutulduğunu diqqətə çatdırıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.