CƏMİYYƏT


Sumqayıtda baş verən yol-nəqliyyat hadisələri nəticəsində üç nəfər xəsarət alıb

Bakı, 21 yanvar, AZƏRTAC

Sumqayıt şəhərində baş verən yol-nəqliyyat hadisələri nəticəsində üç nəfər xəsarət alıb.

Fövqəladə Hallar Nazirliyinin mətbuat xidmətindən AZƏRTAC-a bildiriblər ki, şəhər ərazisində “İsuzu” markalı yük avtomobili yol kənarında dayanan “KamАZ” markalı yük avtomobilinə çırpılıb. Hadisə yerinə cəlb olunan Sumqayıt Regional Mərkəzinin xilasediciləri deformasiyaya uğrayan “İsuzu” markalı yük avtomobilində sıxılmış vəziyyətdə qalan iki nəfəri çıxararaq aidiyyəti üzrə təhvil veriblər.

Bundan başqa, “VAZ” markalı minik və “KamAZ” markalı yük avtomobilləri toqquşub. Hadisə yerinə cəlb olunan Sumqayıt Regional Mərkəzinin xilasediciləri deformasiyaya uğrayan minik avtomobilində sıxılmış vəziyyətdə qalan bir nəfəri çıxarıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.