REGİONLAR


Sumqayıtda ekoloji problemlər və onların həlli yolları müzakirə edilib

Sumqayıt, 9 sentyabr, Ətrabə Rzayeva, AZƏRTAC

Sumqayıtdakı Heydər Əliyev Mərkəzində təşkil olunan görüşdə ekoloji problemlər və onların həlli yolları müzakirə edilib. Şəhərin ekoloji durumunun sağlamlaşdırılması məqsədilə keçirilən görüş Sumqayıtdan Milli Məclisə seçilmiş deputatların təşəbbüsü ilə reallaşıb.

Görüşdə Ekologiya və təbii sərvətlər naziri Muxtar Babayev, Milli Məclisin deputatları Hicran Hüseynova, Tahir Mirkişili, Emin Hacıyev, Müşfiq Məmmədli, Sumqayıt Şəhər İcra Hakimiyyətinin başçısı Zakir Fərəcov və “Təmiz şəhər” ASC-nin sədri Etibar Abbasov iştirak edib.

Şəhər icra hakimiyyətindən AZƏRTAC-a bildirilib ki, görüşdə məişət tullantıları poliqonunda mövcud vəziyyətin aradan qaldırılması, məişət tullantılarının çeşidlənməsi zavodunun tikilməsi, tullantıların daşınmasında istifadə olunan maşın-mexanizmlərin yenilənməsi, “Acı dərə” kanalının üzərində təmizləyici qurğunun tikilməsi və digər məsələlərlə bağlı geniş fikir mübadiləsi aparılıb.

Müzakirələr zamanı qeyd olunan problemlərin aradan qaldırılması üçün qarşıda duran vəzifələr və hədəflər müəyyənləşdirilib. Bu hədəflərə çatmaq üçün birgə səy göstəriləcəyi vurğulanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.