REGİONLAR


Sumqayıtda gənc könüllülər arasında keçirilən şahmat turnirinin qalibləri mükafatlandırılıb

Sumqayıt, 1 dekabr, Ətrabə Rzayeva, AZƏRTAC

Dekabrın 1-də Sumqayıt Şahmat Məktəbində şəhər Gənclər və İdman Baş İdarəsinin təşkilatçılığı ilə gənc könüllülər arasında keçirilən şahmat turnirinin qalibləri mükafatlandırılıb.

AZƏRTAC xəbər verir ki, turnirdə şəhərin müxtəlif sahələrini təmsil edən 10 komanda iştirak edib.

Yarış Azərbaycanın Dövlət himninin səsləndirilməsi ilə başlayıb.

Tədbirdə çıxış edən Baş İdarənin rəis əvəzi Elgün Hümbətov turnirin Ulu Öndərin xatirəsinə həsr edildiyini və Prezident İlham Əliyevin Sərəncamı ilə təsdiq edilmiş “Azərbaycan gəncliyi 2017-2021-ci illərdə” Dövlət proqramının müvafiq bəndlərinə uyğun olaraq gənclərin dünya görüşünü, intellektual səviyyəsini artırmaq, asudə vaxtlarını səmərəli təşkil etmək məqsədilə keçirildiyini diqqətə çatdırıb.

Çıxışlarda gənclərə göstərilən diqqət və qayğıdan da söhbət açılıb.

Gərgin və maraqlı idman mübarizəsi şəraitdə keçən yarışın sonunda I yerə Sumqayıt Dövlət Universitetinin “Şah”, II yerə Sumqayıt Dövlət Texniki Kollecinin “Kapitanlar”, III yerə isə Sumqayıt Dövlət Universitetinin “Zəfər” komandaları layiq görülüb.

Qaliblərə Baş İdarənin kubok, fəxri fərman və xatirə hədiyyələri təqdim olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.