CƏMİYYƏT


Sumqayıtda havanı çirkləndirən metaləritmə sexinin direktoru 3 min manat məbləğində cərimələnib

Bakı, 10 oktyabr, AZƏRTAC 

Ekologiya və Təbii Sərvətlər Nazirliyinə Sumqayıtda yerləşən etilen-polietilen zavodu ərazisinə qaz və tüstünün yayılması ilə bağlı daxil olan məlumatı nazirliyin əməkdaşları yerində araşdırıblar. Aparılan monitorinq və araşdırma zamanı ətrafa yayılan iy-qoxunun yaxınlıqda yerləşən “TAC Metal” Məhdud Məsuliyyətli Cəmiyyətə (MMC) məxsus metaləritmə sahəsində formalaşdığı məlum olub.

AZƏRTAC xəbər verir ki, bunu jurnalistlərə açıqlamasında 4 saylı Regional Ekologiya İdarəsinin rəisi Mübariz Vəliyev deyib.

O qeyd edib ki, həmin ərazinin atmosfer havasından götürülən nümunələr üzərində aparılan analizlərin nəticələrinə görə etil-benzolun qatılığının normadan 1,4 dəfə çox olduğu müəyyənləşib. Faktla bağlı metaləritmə sexinin direktoru Müslüm Abbasov barəsində akt və protokol tərtib olunub və o, vəzifəli şəxs qismində 3000 manat məbləğində cərimələnib. Gələcəkdə belə halların baş verməməsi üçün sexin direktoruna icrası məcburi olan müddətli göstəriş verilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.