DÜNYA


Suriya münaqişəsinin həlli üzrə görüşün bütün üzvləri danışıqlar üçün Astanaya gəlib

Bakı, 28 noyabr, AZƏRTAC

Noyabrın 28-də Suriya münaqişəsinin həlli üzrə görüşün bütün üzvləri, o cümlədən silahlı müxalifət nümayəndələri danışıqlar üçün Astanaya gəlib.

AZƏRTAC TASS informasiya agentliyinə istinadla xəbər verir ki, bu barədə jurnalistlərə Qazaxıstanın Xarici İşlər Nazirliyinin Asiya və Afrika departamentinin direktoru Aydarbek Tumatov deyib.

“Suriya münaqişəsinin həlli üzrə 11-ci beynəlxalq görüşün bütün üzvləri, o cümlədən Əhməd Tomanın başçılıq etdiyi silahlı müxalifət, həmçinin qarant ölkələrin – Türkiyə, İran və Rusiyanın nümayəndələri Astanaya gəlib. BMT-nin nümayəndə heyətinə təşkilatın Baş katibinin Suriya üzrə xüsusi nümayəndəsi Staffan de Mistura rəhbərlik edir”, deyə Tumatov bildirib.

Noyabrın 28-29-da Qazaxıstanın paytaxtında keçiriləcək Suriya münaqişəsi üzrə görüşün əsas mövzuları İdlib rayonunda yaranan vəziyyət və ölkədə konstitusiya komissiyasının formalaşdırılması olacaq. Hökumət və silahlı müxalifət arasında etimadın güclənməsi, İŞİD qruplaşmasının qalıqları ilə mübarizə və qaçqınların öz evlərinə qayıtması məsələləri də müzakirə ediləcək mövzular arasındadır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.