AZƏRTAC-ın xüsusi müxbiri xəbər verir ki, Tacikistanın Xatlon vilayətinin Kulyab şəhərində ölkədə qadağan olunmuş “Hizb ut-Təhrir” dini-ekstremist partiyasının 20 fəal üzvü və tərəfdarının açıq məhkəmə prosesi başlanmışdır.

Həbs olunanların 9 nəfəri ölkə cinayət kodeksinin 3 bəndi – cinayətkar təşkilatın yaradılması, dövlət hakimiyyətinin zorakılıqla ələ keçirilməsinə çağırış, milli, irqi və dini düşmənçiliyə təhrik, qalanları isə dövlət çevrilişi haqqında məlumatı gizlətməkdə ittiham olunurlar.

Ölkədə ilin əvvəlindən ekstremist partiya ilə əlaqəsi olan 70-dən çox adam həbs edilmişdir. Tacikistanın xüsusi xidmət orqanları xəbər verirlər ki, “Hizb ut-Təhrir”in liderləri Orta Asiya dövlətlərinin ərazisində vahid islam xilafətinin yaradılmasını qarşılarına məqsəd qoymuşlar.