AZƏRTAC xarici KİV-lərə istinadla xəbər verir ki, futbol meydançasında hakimlik fəaliyyətini bu yaxınlarda bitirmiş Pyerluici Kollina Almaniyada keçiriləcək futbol üzrə dünya çempionatına getmək fikrindədir.

Prinsipiallığına görə böyük hörmət qazanmış italiyalı hakim indi də özünü futbol şərhçisi kimi sınamaq niyyətinə düşmüş və Almaniyadakı oyunlardan reportaj aparmaq üçün “Sky” televiziya kanalı ilə müqavilə bağlamışdır.

Kollina bildirmişdir ki, “mənim üçün heç nə dəyişməyəcəkdir, şərhləri görüşləri idarə etdiyim kimi aparacağam. Bunu məndən teleşirkətin rəhbərliyi xüsusi xahiş etmişdir”.