DÜNYA


TAPI qaz kəmərinin tikintisi iş planına uyğun aparılır

Aşqabad, 20 fevral, AZƏRTAC

Türkmənistan Prezidentinin neft və qaz məsələləri üzrə müşaviri Yaxşıgəldi Kakayev Türkmənistan-Əfqanıstan-Pakistan-Hindistan (TAPI) qaz kəmərinin tikintisinin iş planına uyğun aparıldığını və 2019-cu ilin sonunadək başa çatdırılacağını bildirib.

AZƏRTAC xəbər verir ki, hazırda “TAPI Pipeline Company Limited” konsorsiumu Əfqanıstan və Pakistan ərazilərində əsas qaz kəmərinin inşasını aparır. TAPI-nın üzv ölkələrdə geoloji və texniki tədqiqatları cədvələ uyğun həyata keçirilir, ətraflı təhlil və araşdırmalar aparılır. Transmilli qaz kəmərinin Əfqanıstan və Pakistan hissələrinə xüsusi avadanlıq, qaz boruları təchizatçıları üçün xüsusi təkliflər hərtərəfli təhlil edilir.

Y.Kakayev TAPI beynəlxalq qaz boru xəttinin tikintisinə dair “fəaliyyətin bütün sahələrində irəliləyiş” olduğunu bildirib.

İlahə Əhmədova

AZƏRTAC-ın xüsusi müxbiri

Aşqabad

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.