ELM VƏ TƏHSİL


“TEKNOFEST Azərbaycan”da təhsil stendləri

Bakı, 26 may, AZƏRTAC

Mayın 26-da ölkəmizdə ilk dəfə keçirilən “TEKNOFEST Azərbaycan” festivalının açılış mərasimi baş tutub.

AZƏRTAC xəbər verir ki, açılış mərasimində iştirak edən təhsil naziri Emin Əmrullayev Təhsil Nazirliyinin təmsil olunduğu stendlərlə tanış olub. Stendlərlə tanışlıq zamanı nazir şagird və tələbələrlə söhbətində onların böyük maraq hissi ilə bu festivalda iştirakının sevindirici hal olduğunu qeyd edib.

Emin Əmrullayev festivalın gənclərimizin rəqəmsal texnologiyaların inkişafı ilə bağlı tarixi nailiyyətlərinə körpü salacağına ümidvar olduğunu deyib və təşkilatçılara təşəkkürünü bildirib.

Qeyd edək ki, Təhsil Nazirliyi festivalda STEAM layihəsinin təşkilatçılığı ilə şagird və tələbə kateqoriyaları üzrə keçirilən “Baku Skills” müsabiqəsi, bir sıra ali təhsil müəssisələri tərəfindən təqdim edilmiş layihələr və Naxçıvan Muxtar Respublikası Təhsil Nazirliyinin fəaliyyətini əks etdirən 3 layihə ilə təmsil olunur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.