DÜNYA


TPP çərçivəsində razılaşmanı imzalayan ölkələr onun 2019-cu ildə qüvvəyə minməsini istəyirlər

Tokio, 20 iyul, AZƏRTAC

Trans-Sakit okean Tərəfdaşlığı çərçivəsində azad ticarət barədə razılaşmanı imzalayan 11 ölkənin rəsmi nümayəndələri onun gələn il qüvvəyə minməsi üçün birgə fəaliyyəti sürətləndirmək barədə razılığa gəliblər.

Bu barədə razılaşma Tokionun qərbində yerləşən Hakone şəhərində iyulun 19-da başa çatan ikigünlük görüş zamanı əldə edilib. Yaponiyanın və digər 10 üzv ölkənin danışıqlardakı nümayəndələri mart ayında razılaşmanın imzalanmasından sonra ilk dəfə bir araya gəliblər.

ABŞ Prezidenti Donald Trampın proteksionist hərəkətlərinin artdığı bir məqamda nümayəndə heyətlərinin üzvləri razılaşmanın tezliklə həyata keçirilməsi barədə razılıq əldə ediblər. Bunun üçün hər bir iştirakçı ölkədə lazımi prosedurların yerinə yetirilməsini sürətləndirmək qərara alınıb.

Nümayəndələr, eyni zamanda, razılaşma qüvvəyə mindikdən sonra ona yeni üzvlərin cəlb edilməsi ilə əlaqədar hazırlıq işləri barədə də razılıq əldə ediblər.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.