REGİONLAR


TQDK-NIN NÜMAYƏNDƏ HEYƏTİ TESTLƏ BAĞLI ABŞ-DA KEÇİRİLƏN TƏDBİRDƏ İŞTİRAK EDƏCƏK

AZƏRTAC xəbər verir ki, Tələbə Qəbulu üzrə Dövlət Komissiyasının sədri Məleykə Abbaszadənin başçılıq etdiyi nümayəndə heyəti ABŞ “Təhsil Testi Xidməti” (Edicational Testing Service) təşkilatının fevralın 6-17-də Prinston (ABŞ) şəhərində təşkil edəcəyi “Təhsil testi üzrə tədris səfəri” proqramında iştirak edəcəkdir.

Proqramdan məqsəd Qərb standartlarına daha uyğun gələn imtahan strukturunun təkmilləşdirilməsində təcrübə qazanmaq, testin hazırlanması, aparılması və imtahanın nəticələrinin yoxlanılması işinin yaxşılaşdırılması, tədqiqat metodologiyası sahəsində zəruri biliklər əldə etmək, təhsil sistemində korrupsiya məqamlarını müəyyənləşdirmək və bu problemi aradan qaldırmaq yollarını araşdırmaqdır.

Proqram iştirakçıları ABŞ-ın test və ali məktəblərə tələbə qəbulu sistemi ilə də tanış olacaqlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.