TÜRKİYƏ ƏRAZİSİNDƏ MÜƏYYƏN LƏNGİMƏ HALLARI TEXNİKİ SƏBƏBLƏRLƏ BAĞLIDIR

Bu gün Türkiyə ərazisində Bakı-Tbilisi-Ceyhan neft kəmərinin çəkilişi üçün aparılan inşaat işləri göstərir ki, orada heç bir problem yaranmamışdır. Qeydə alınan müəyyən ləngimə halları yalnız texniki səbəblərlə - işin lazımi səviyyədə təşkil olunmaması, müqavilələrin vaxtında bağlanmaması, işçi qüvvələrin lazımi səviyyədə işə cəlb edilməməsi və sairə ilə bağlıdır. Bunlar hamısı texniki təşkilatçılıq problemləridir və heç bir siyasi səbəb yoxdur.

Bu fikri müxbirimizə bildirən ARDNŞ-in prezidenti Natiq Əliyev bildirmişdir ki, ümumiyyətlə, Azəri-Çiraq-Günəşli yataqları və Bakı-Tbilisi-Ceyhan üzrə işlər pis getmir. “Şahdəniz” və Cənubi Qafqaz boru kəməri layihəsi haqqında görülən işlər göz qabağındadır. Qrafikdə nəzərdə tutulan planlar vaxtından əvvəl yerinə yetirilir.