TÜRKİYƏ BTC NEFT KƏMƏRİNDƏN 220 MİLYON DOLLAR GƏLİR ƏLDƏ ETMİŞDİR

AZƏRTAC-ın xüsusi müxbiri “Botaş” şirkətinə istinadla xəbər verir ki, Türkiyə Bakı-Tbilisi-Ceyhan kəməri ilə nəql olunan 72 milyon barrel xam neftin Heydər Əliyev adına Ceyhan terminalından 99 tankerə yüklənməsindən 220 milyon dollar gəlir götürmüşdür.

Şirkətdən bildirmişlər ki, ötən il terminaldan 57 milyon barrel xam neft 80 tankerə yüklənərək yola salınmış, bu il isə 20 tankerə 16 milyon barrel xam neft doldurulmuşdur. Türkiyənin Enerji və Təbii Ehtiyatlar Nazirliyi bununla bağlı Ceyhanda mərasim keçirməyi planlaşdırır.

Terminaldan İtaliya, Fransa, İspaniya, ABŞ, Braziliya, Çin, Hindistan, Cənubi Koreya, Yaponiya, Çili, İngiltərə, İsrail və İndoneziyaya tankerlər yola salındığı bildirilir. Bu ilin sonunadək isə tankerlərlə 210 milyon barrel xam neftin göndəriləcəyi nəzərdə tutulur. Hazırda isə terminalda hər birinin tutumu 1 milyon barrel neft olan daha 4 tanker yüklənir.