AZƏRTAC xəbər verir ki, Azərbaycan və Türkiyə yığma futbol komandaları arasında keçiriləcək yoldaşlıq oyunu ilə əlaqədar Bakıya gəlmiş Türkiyə Futbol Federasiyasının (TFF) prezidenti Haluk Ulusoy və rəhbərlik etdiyi nümayəndə heyətinin üzvləri aprelin 11-də Fəxri xiyabanda olmuşlar. Onlar türk dünyasının görkəmli oğlu, ümummilli lider Heydər Əliyevin məzarını ziyarət etmiş, ulu öndərin xatirəsini ehtiramla anaraq məzarı önünə əklil qoymuşlar.

Qonaqlar görkəmli oftalmoloq alim, akademik Zərifə xanım Əliyevanın da xatirəsini anmış, məzarı üzərinə gül-çiçək düzmüşlər.