SİYASƏT


TÜRKPA komissiyasının sədri: Ermənistan beynəlxalq hüquqa riayət etməlidir

Bakı, 14 iyul, AZƏRTAC

Türkiyə Böyük Millət Məclisinin deputatı, TÜRKPA-nın Hüquq Məsələləri və Beynəlxalq Əlaqələr Komissiyasının sədri İsmet Uçma Ermənistanın təxribatını pisləyən bəyanatla çıxış edib.

“Erməni silahlı birləşmələrinin Azərbaycanın Tovuz rayonu istiqamətində hərbi hücumunu şiddətlə qınayır, həyatını itirən azərbaycanlı şəhidlərimizə görə dost və qardaş Azərbaycan xalqına və dövlətinə başsağlığı, yaralılara şəfa diləyirəm”, - deyə deputat qeyd edib.

İsmet Uçma bildirib ki, Ermənistanın bu hücumunun Azərbaycan tərəfindən dəf edilməsi təcavüzün qarşılıqsız qalmayacağını və belə cəhdlərin nəticəsiz qalmağa məhkum olduğunu göstərir. Erməni tərəfi belə təhlükəli əməllərdən imtina etməli və beynəlxalq hüquqa riayət etməlidir. Türkiyə dövləti və xalqı olaraq ərazi bütövlüyünü qorumaq mübarizəsində bütün imkanlarımızla Azərbaycanın yanında olmaqda davam edəcəyik.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.