DÜNYA


TWESCO-nun gələcək planları ilə bağlı fikir mübadiləsi aparılıb

Astana, 14 mart, AZƏRTAC

Beynəlxalq Türk Akademiyasının (TWESCO) Prezidenti Darxan Kıdırali, Bişkekdə Qırğızıstanın xarici işlər naziri Çingiz Aydarbekovla görüşüb.

TWESCO-dan AZƏRTAC-a verilən məlumata görə, görüş zamanı Beynəlxalq Türk Akademiyasının hazırda davam edən işləri və gələcək planları ilə bağlı fikir mübadiləsi aparılıb.

Akademiya prezidenti ötən il reallaşdırılan layihələr, 2019-cu il üçün müəyyən olunan məqsəd və hədəflər haqqında geniş məlumat verib.

Qırğız Respublikasının xarici işlər naziri Çingiz Aydarbekov isə TWESCO-nun qurucu dövlətləri olan Azərbaycan, Qazaxıstan, Qırğızıstan və Türkiyənin, eyni zamanda, bütün türk xalqlarının tarixi və mədəniyyətinin araşdırılmasındakı əhəmiyyətli rolunu vurğulayıb, ölkəsinin dəstəyini ifadə edib.

 

İlahə Əhmədova

AZƏRTAC-ın xüsusi müxbiri

Astana

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.