DÜNYA


Tacikistanla Türkiyə arasında əməkdaşlıq məsələləri müzakirə olunub

Düşənbə, 16 iyun, АZƏRTAC 

Tacikistanda keçirilən Asiyada Qarşılıqlı Fəaliyyət və Etimad Tədbirlərinə dair Müşavirənin Sammiti çərçivəsində Tacikistan və Türkiyə prezidentləri Emamali Rahmon və Rəcəb Tayyib Ərdoğan arasında görüş keçirilib.

AZƏRTAC xəbər verir ki, görüşdə ölkələr arasında siyasi, iqtisadi, ticarət, sosial, turizm, mədəni-humanitar sahələrdə əməkdaşlığın dərinləşdirilməsi məsələləri müzakirə olunub. Dünyada və regionda sülhün və sabitliyin qorunması, Əfqanıstan probleminin sülh yolu ilə həlli, terrorizm və ekstremizmlə birgə mübarizə sahəsində əməkdaşlıq məsələləri diqqət mərkəzində olub.

Tərəflər nəqliyyat, logistika, əmək miqrasiyası, təhsil, elm, mədəniyyət sahələrində əlaqələrin perspektivləri ilə bağlı fikir mübadiləsi aparıb.

Dövlət başçıları ölkələr arasında imzalanan sənədlərin həyata keçirilməsi, Hökumətlərarası Birgə Əməkdaşlıq Komissiyasının fəaliyyətinin aktivləşdirilməsi, Tacikistan və Türkiyədə investorların və sahibkarların iştirakı ilə biznes-forumların keçirilməsi məsələlərini də müzakirə edib.

Qulu Kəngərli

AZƏRTAC-ın xüsusi müxbiri

Düşənbə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.