DÜNYA


Tailandda buddist rahiblər narkotik testindən keçə bilməyib

Tailandda buddist rahiblər narkotik testindən keçə bilməyib

Bakı, 29 noyabr, AZƏRTAC

Tailandın mərkəzində yerləşən buddist məbədi bütün rahiblərin narkotik testindən keçə bilmədiyi və nəticədə xidmətdən kənarlaşdırıldığı üçün boş qalıb.

AZƏRTAC France-Presse agentliyinə istinadla xəbər verir ki, hadisə Tailandın Phetçabun əyalətində baş verib. Bunq Sam Phan rayonundakı məbədin rəhbəri də daxil olmaqla, dörd rahibin qanında metamfetamin aşkarlanıb. Onların hamısı narkoloji reabilitasiya klinikasına göndərilib. Yerli hakimiyyət orqanlarının məlumatına görə, yerli sakinlərin ibadətlərini davam etdirmələri üçün məbədə yeni rahiblər göndəriləcək.

Agentlik BMT-nin məlumatına əsaslanaraq yazır ki, Tailand Laosdan və Myanmadan keçməklə metamfetamin qaçaqmalçılığının əsas tranzit məntəqələrindən biridir. Küçədə narkotiki 20 batdan (0,6 dollar) da ucuz almaq olur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.