DÜNYA
Tailandda uşaq baxım mərkəzinə hücum nəticəsində 34 nəfər öldürülüb
Pekin, 6 oktyabr, AZƏRTAC
Tailandda uşaq baxım mərkəzinə silahlı hücum nəticəsində ən azı 34 nəfər, o cümlədən 22 uşaq öldürülüb.
AZƏRTAC Tailand mediasına istinadla xəbər verir ki, hadisə ölkənin şimalındakı Nongbualamphu vilayətində baş verib. Hücumu törədən keçmiş polis əməkdaşı hadisədən sonra özünü də öldürüb. Hələlik hadisənin hansı səbəbdən törədildiyi bilinmir. Polis təhqiqat aparır.
Yerli medianın məlumatına əsasən, Tailandın sözügedən vilayətində qanunsuz silah saxlanılması geniş yayılsa da, bu cür cinayətlər ölkənin digər bölgələri ilə müqayisədə nadir hallarda baş verir. Tailandda oxşar hadisə 2020-ci ildə əmlak sövdələşməsindən narazı qalan əsgərin 29 nəfəri öldürməsi, 47 nəfəri yaralaması olub.
Şahin Cəfərov
AZƏRTAC-ın xüsusi müxbiri
Pekin