DÜNYA


Takeşi İvaya: Yaponiyanın təhlükəsizliyi ilə bağlı xərclər ÜDM-in 1,3 fazini təşkil edə bilər

Tokio, 10 aprel, AZƏRTAC

Yaponiyanın müdafiə naziri Takeşi İvaya bildirib ki, ölkənin təhlükəsizliyi ilə bağlı xərclər ümumi daxili məhsulun (ÜDM) 1,3 faizini təşkil edə bilər.

AZƏRTAC xəbər verir ki, nazir bu barədə parlamentin aşağı palatasında çıxış edərəkən deyib. T.İvaya bu addımın ABŞ administrasiyasının NATO üzvü olan ölkələrdən və müttəfiqlərindən müdafiə xərclərinin artırılması barədə tələbinə uyğun olaraq atıldığını qeyd edib.

Nazirin sözlərinə görə, Yaponiya sülhməramlı qüvvələrinin BMT əməliyyatlarında iştirakı və Sahil Mühafizəsi Xidmətinin xərcləri büdcəyə daxil ediləcəyi təqdirdə ümumi məsrəf sonrakı beş ildə ÜDM-nin 1,1 faizindən 1,3 faizinə qalxacaq.

T.İvaya bildirib ki, o, bu rəqəmləri qarşılıqlı anlaşma əldə etmək üçün ABŞ tərəfinə təqdim edəcək.

Yaponiyanın illik müdafiə xərcləri 5 trilyon yen və ya 45 milyard dollar təşkil edir. Həmin xərclər hər il artırılsa da, indiyədək ölkə ÜDM-nin 1 faizi həddini aşmayıb.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.