İDMAN


Tamblinq və batut gimnastikası üzrə Azərbaycan çempionatları təşkil olunacaq

Bakı, 19 oktyabr, AZƏRTAC

Azərbaycan Gimnastika Federasiyasının (AGF) yerli yarışlarının növbəti iştirakçıları tamblinq və batut gimnastikasının təmsilçiləri olacaq. Noyabrın 8-9-da tamblinq üzrə 17-ci Azərbaycan çempionatı və birinciliyi, həmçinin batut gimnastikası üzrə 5-ci ölkə çempionatı və Birinciliyi keçiriləcək.

AZƏRTAC AGF-ə istinadla xəbər verir ki, digər yarışlardan fərqli olaraq tamblinqçilər və batutçular ayrı-ayrı məkanlarda yarışacaqlar. Tamblinq yarışları noyabrın 8-də Bakı Gimnastika Məktəbində, batut gimnastikası üzrə yarışlar isə ertəsi gün Bakı Olimpiya İdman Kompleksində baş tutacaq.

Tamblinq yarışlarında Bakı Gimnastika Məktəbi və “Neftçi” idman klubunun nümayəndələri uşaqlar, yeniyetmələr, gənclər və böyüklər yaş qruplarında mübarizə aparacaqlar.

Batut gimnastikası üzrə yarışda balacalar, uşaqlar, yeniyetmələr, gənclər və böyüklər yaş kateqoriyaları üzrə iştirakçılar fərdi və sinxron proqramda Bakı Gimnastika Məktəbi və “Ocaq Sport” idman klubunu təmsil edəcəklər.

Yarışda ilk dəfə Qaxdan olan gimnastlar da iştirak edərək, nümunəvi çıxışlar göstərəcəklər.

Qeyd edək ki, tamblinq üzrə yarışa giriş sərbəstdir, batut gimnastikası üzrə turnirə isə biletlərin qiyməti 5 manat təşkil edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.