MƏDƏNİYYƏT


Tanınmış qarmon ifaçısı Xanlar Cəfərovun xatirəsi anılacaq

Bakı, 10 may, AZƏRTAC

Mayın 13-də Beynəlxalq Muğam Mərkəzi görkəmli qarmon ifaçısı Xanlar Cəfərovun xatirəsinə həsr edilən gecə təqdim edəcək.

Muğam Mərkəzində AZƏRTAC-a bildirilib ki, gecədə Xanlar Cəfərovun yaradıcılıq yoluna nəzər salınacaq, sənət dostlarının sənətkarla bağlı xatirələri dinləniləcək. Xan Şuşinski Fondu ilə birgə təşkil ediləcək gecədə tanınmış ifaçılar və Xanlar Cəfərovun tələbələrinin ifaları təqdim olunacaq.

Gecədə Xalq artistləri Aftandil İsrafilov və Ənvər Sadıqovun “Qaytağı” ansamblı, Əməkdar artist Zakir Mirzəyev, sənətşünaslıq üzrə fəlsəfə doktoru, MK-nın dosenti Aydın Əliyev, Əməkdar artist Lalə Məmmədova, tanınmış qarmon ifaçılar Şəmsi Ağamalıyev, Nemət Hüseynov, BMM-in solistləri Mirələm Mirələmov, Abgül Mirzəliyev, Kamilə Nəbiyeva və Xanlar Cəfərovun tələbəsi, tanınmış qarmon ifaçısı Orxan Mirnatiqoğlu çıxış edəcəklər.

Qeyd edək ki, Xanlar Cəfərov 1973-cü ildən Azərbaycan Dövlət Filarmoniyasında, Dövlət Rəqs Ansamblında qarmon ifaçısı kimi fəaliyyətə başlayıb. 2001-2009-cu illərdə “Azneftyağ” istehsalat birliyinin musiqi ansamblında konsertmeyster kimi çalışıb. Unudulmaz ifaçının çoxsaylı konsert proqramlarından olan lent yazıları televiziyanın arxivində saxlanılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.