MƏDƏNİYYƏT


Tanınmış yazıçı Kamal Abdullanın kitabı Rusiyanın məşhur ədəbi mükafatına namizədlər sırasındadır

Moskva, 17 mart, AZƏRTAC 

Tanınmış yazıçı Kamal Abdullanın Moskvada nəşr olunmuş “Platon deyəsən xəstələnib...” (“Platon, kajetsya, zabolel...”) hekayələr toplusu Rusiyanın “Literaturnaya qazeta” nəşrinin ilk redaktoru Anton Delviq adına “Sözə və Vətənə sədaqətə görə” mükafatına namizədlər arasındadır.

Anton Delviq mükafatı 2012-ci ildə “Literaturnaya qazeta” tərəfindən Rusiya illik milli mükafatı kimi təsis edilib. Birinci mükafata üç, ikinci mükafata altı əsər layiq görülür. “Debüt” nominasiyasında dörd əsərə diplomlar təqdim olunur.

Kamal Abdullanın 2014-cü ildə Moskvada çap olunmuş “Platon deyəsən xəstələnib...” kitabında yazıçının son illər qələmə aldığı hekayələr toplanıb. Hekayələri rus dilinə Azər Mustafazadə tərcümə edib. Ön sözün müəllifi məşhur rus yazıçısı Yuri Polyakovdur. Kitab “Xudojestvennaya literatura” nəşriyyatında çap edilib.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.