DÜNYA


Tanzaniyada bərənin batması nəticəsində 40-dan çox sərnişin həlak olub

Tokio, 21 sentyabr, AZƏRTAC 

Tanzaniyada sərnişin bərəsinin batması nəticəsində azı 44 nəfər həlak olub.

AZƏRTAC xəbər verir ki, bu barədə yerli hakimiyyət orqanlarına istinadla Capital Television telekanalı məlumat yayıb.

Məlumatda qeyd edilir ki, hadisə sentyabrın 20-də Viktoriya gölündə baş verib. Mvanza şəhərinin regional komissarı Con Monqella bildirib ki, xilasedicilər tərəfindən 44 cəsəd aşkar olunub, 37 nəfər isə xilas edilib. Hazırda axtarış-xilasetmə əməliyyatı davam edir.

Bərənin göyərtəsində olan sərnişinlərin dəqiq sayı məlum deyil. Bu bərə 100-dən çox sərnişin, 25 ton yük və bir neçə kiçik nəqliyyat vasitəsi daşımağa qadirdir.

Yerli kütləvi informasiya vasitələrinin yazdığına görə, Tanzaniya hökuməti həlak olanların sayının 200-ü keçəcəyini güman edir.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.