DÜNYA


Tanzaniyada oğurlanan ən gənc afrikalı milyarder evinə qayıdıb

Bakı, 20 oktyabr, AZƏRTAC

Tanzaniyada oğurlanmış “Mohammed Enterprises Tanzania Ltd” kompaniyasının sahibi milyarder Məhəmməd Dyuci sağ-salamat evinə qayıdıb.

AZƏRTAC xarici KİV-lərə istinadla xəbər verir ki, gənc milyarderin hansı şəraitdə və nə vaxt azad edildiyi, eləcə də hadisənin motivləri bildirilmir.

Xatırladaq ki, oktyabrın 11-də biznesmen məşq etmək üçün Dar-əs-Salam şəhərinin nüfuzlu otellərinin birində yerləşən idman zalına gedərkən bir neçə maskalı şəxsin hücumuna məruz qalmışdı. Havaya atəş açan silahlılar onu zorla avtomobilə mindirərək naməlum istiqamətdə aparmışdılar.

Polis avtomobilin nömrə nişanını və sürücünün şəxsiyyətini müəyyən etsə də, onu tapmağa müvəffəq olmamışdı. Kompaniya milyarderin axtarışına yardım edəcək hər hansı bir informasiyaya görə 1 milyard Tanzaniya şillinqi (təxminən 436 min dollar) həcmində mükafat vəd etmişdi.

Qeyd edək ki, “Forbes” jurnalının versiyasına görə, 43 yaşlı Dyucini Afrikanın ən gənc, Tanzaniyanın isə yeganə milyarderidir. Varidatı 1,5 milyard dollar həcmində qiymətləndirilən gənc milyarder 1970-ci ildə atası tərəfindən əsası qoyulan “METL Group” kompaniyasına rəhbərlik edir. Kompaniya ticarət, telekommunikasiya, maliyyə xidmətləri, energetika, logistika və digər istiqamətlərdə fəaliyyət göstərir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.