ELM VƏ TƏHSİL


Tarix Muzeyində Azərbaycan kino sənətinə dair maraqlı materiallar qorunur

Bakı, 2 avqust, AZƏRTAC

Milli Azərbaycan Tarixi Muzeyinin Sənədli mənbələr fondunda Azərbaycan kino sənətinə dair maraqlı materiallar qorunur. Bu materiallar arasında 1957-ci ildə Bakı kinostudiyasında çəkilmiş filmlərin kadrlarından ibarət olan albom yer alır. Həmin illüstrativ nəşrə 1955-ci ildə çəkilmiş “Bəxtiyar” və “Görüş”, 1956-cı ildə “Səadət yolu ilə”, “O olmasın, bu olsun”, “Qara daşlar”, 1957-ci ildə “Bir məhəllədən iki nəfər” və “Qızmar günəş altında” filmlərinin ən baxımlı epizodlarının fotoşəkilləri daxil edilib.

Bu barədə AZƏRTAC-a muzeydən məlumat verilib.

Albom 37 vərəqdə 24 fotoşəkildən ibarətdir.

1898-ci il avqustun 2-də fotoqraf Aleksandr Mişon lentə aldığı “Bibiheybətdə neft fontanı yanğını”, “Qafqaz rəqsi” xronikal sənədli və “İlişdin” adlı bədii süjetlərin müstəqil nümayişini təşkil edib. Həmin gün Azərbaycan milli kinosunun yaranma günü sayılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.