ELM VƏ TƏHSİL


Tarix Muzeyində Gəncə xanı Cavad xana məxsus qəlyan çubuğu qorunur

Bakı, 6 iyul, AZƏRTAC

AMEA-nın Milli Azərbaycan Tarixi Muzeyinin Etnoqrafiya fondunda Gəncə xanı Cavad xana (1786-1804) məxsus qəlyan çubuğu qorunur.

Bu barədə AZƏRTAC-a muzeydən məlumat verilib.

Qəlyan çubuğu xüsusi sifarişlə Şamaxı sənətkarları tərəfindən hazırlanıb. Üzərində müxtəlif rəngli muncuqlarla həndəsi zolaqlar, buta təsvirləri işlənib. Mərkəzində isə xanın mərhum oğlanlarının təsvirləri salınıb. Fərqli rəngli muncuqlardan istifadə çubuğa xüsusi estetik görünüş bəxş edib.

Fondun kolleksiyasını zənginləşdirən çubuq 1941-ci ildə muzeyə verilib.

Qeyd edək ki, vətəninin Hindistan olduğu hesab edilən qəlyanlar uzun müddət Azərbaycanda, xüsusilə kübar ailələrdə əvəzedilməz aksesuarlardan biri idi. Qəlyandan kişilərlə bərabər zəngin ailələrin qadınları da istifadə edirdilər. Qəlyan çəkmək dəbli hesab edildiyi üçün bu əşyanın xüsusi zövqlə hazırlanmasına önəm verilirdi.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.