ELM VƏ TƏHSİL


Tarix Muzeyində tədbir: Nizami Gəncəvi yaradıcılığında sufizm və maarifçiliyə baxış

Bakı, 7 may, AZƏRTAC

Milli Azərbaycan Tarixi Muzeyində “Nizami Gəncəvi yaradıcılığında sufizm və maarifçiliyə baxış” mövzusunda onlayn tədbir keçirilib.

Bu barədə AZƏRTAC-a muzeydən məlumat verilib. Bildirilib ki, tədbir muzeyin əməkdaşı Kübra Dadaşovanın aparıcılığı ilə baş tutub. Muzeyin Elmi-kütləvi iş və təhsil şöbəsinin müdiri Fəridə Şəmsi tədbirdə giriş nitqi ilə çıxış edib.

Sonra muzeyin əməkdaşı, tarix üzrə fəlsəfə doktoru Əli Fərhadovun “Nizami Gəncəvi yaradıcılığında sufizm və maarifçiliyə baxış” mövzusunda məruzəsi dinlənilib. Ə.Fərhadov məruzəsində qeyd edib ki, Nizami sadəcə islamı təbliğ etməklə qalmamış, onu ən gözəl şəkildə, fəlsəfi, elmi, bədii şəkildə tərənnüm edib, eyni zamanda, mənsub olduğu sufizm - əxilik aləminin də təsirilə möhtəşəm fikirlər ortaya qoyub.

Sonra tədbir iştirakçıları muzeyin Arxeologiya elmi-fond şöbəsinin müdiri, tarix üzrə fəlsəfə doktoru Nasir Quluzadənin “Nizami Gəncəvinin zoolatrik təsəvvürləri və onların arxeoloji keramikada paralelləri” mövzusunda videoçarxı izləyiblər. Videoçarxda müəllif mövzuya uyğun olaraq Nizami Gəncəvi yaradıcılığında rast gəlinən zoolatrik təsəvvürlərlə 1938-1940-cı illərdə böyük şairin Vətənindən - qədim Gəncə şəhər yerindən tapılmış arxeoloji keramika üzərindəki zoomorf təsvirlər arasında müəyyən paralellər aparıb.

Sonra mövzu ilə bağlı suallar cavablandırılıb, müzakirələr aparılıb.

Xatırladaq ki, Milli Azərbaycan Tarixi Muzeyi “Nizami Gəncəvi İli” çərçivəsində mütəmadi tədbir və mühazirələr keçirir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.