ELM VƏ TƏHSİL


Tarix Muzeyinə Milli Qəhrəman Çingiz Qurbanovun şəxsi əşyaları təhvil verilib

Bakı, 18 fevral, AZƏRTAC

Milli Azərbaycan Tarixi Muzeyinə şəhid, Milli Qəhrəman Çingiz Qurbanovun şəxsi əşyaları təhvil verilib.

Bu barədə AZƏRTAC-a muzeydən məlumat verilib. Bildirilib ki, şəhidin materialları muzeyə Sənədli mənbələr fondunun müdiri Esmira Rəhimova tərəfindən təqdim edilib.

Çingiz Qurbanov 1994-cü ildə Qusar rayonunun Həzrə kəndində anadan olub. Azərbaycan Texniki Universitetində təhsil alıb. 2016-cı ilin iyul ayında həqiqi hərbi xidmətə yollanıb. Əsgər Çingiz Qurbanov 2016-cı il dekabrın 29-da Azərbaycan - Ermənistan dövlət sərhədində düşmənin kəşfiyyat qrupunun təxribatının qarşısını alan zaman qəhrəmancasına şəhid olub. Nəşi düşmən tərəfində qalıb və 2017-ci il fevralın 5-i Azərbaycan tərəfinə təhvil verilib. Şəhid Qusar şəhərində, Şəhidlər xiyabanında torpağa tapşırılıb. Ölümündən sonra “Azərbaycanın Milli Qəhrəmanı” adına layiq görülüb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.